امثال شعبیه اهوازیه
امثال وحکم العرب الشعیبه
۱- الماي ما بي عله العلوه ايرد على النصه
۲- التگرصه الحيه بيده ايخاف من جرت الحبل
۳- الأگرع ایعیر أبو حبه
۴- البزون تفرح إبعمه أهلها
۵- الما ينوش العنب بيده ایگول حامض ما أريده
۶- أبو طبع ما اييوز من طبعه
۷- الیا عگبک عگبک
۸- إكل مر و إشرب مر و لا تعاشر مر
۹- الما يعرف تدابيره حنطته تاكل إشعيره
۱۰- إتبع العيار الباب الدار
۱۱- الظفر ما يطلع من اللحم
۱۲- الما ينطي من قليل ما ينطي من کثیر
۱۳- المبلل ما إیخاف إمن المطر
۱۴- الواوي ما إييوز من عويانه
۱۵- الگصب کل ما طال طوله مرجوعه علی إصوله
۱۶- العم ولي و الخال خلي
۱۷- الما يعرف الصگر یشویه
۱۸- الما یعرفک ما إيثمنك
۱۹- إخذ فالها إمن أطفالها
۲۰- الولد من خافوره و الهرش من فرفوره
۲۱- الصبر مفتاح الفرج
۲۲- الدنيا دواره
۲۳- الدنيا يوم إلك و يوم عليك
۲۴- الصديج يوم الضيج
۲۵- الإبعبه صخل إيمعمع
۲۶- الخير إيخير و الشر إيغير
۲۷- اليمل لو إيشوف حدبته چان إنكسرت إرگبته
۲۸- الله إيعرف الحمار ما إنطا إگرون
۲۹- إنهجم بيت الباميه ام اللقاويص
۳۰- الدين عمات عين
۳۱- إبعد و صير عزيز
۳۲- الغني غنوا له و الفگر ونوا له
۳۳- إبن الحایچ إينبب و إبن الكاولي إيربرب
۳۴- البزون ما عدها شغل إتشرمخ الشبه
۳۵- اليوگف یم الحداد إيلوحه شرار
۳۶- إنطي الخبز الخبازته حتى لو تاكل نصه
۳۷- إمشي شهر و لا تطفر نهر
۳۸- العنده محراث ليش يحرگ إيده
۳۹- الجار گبل الدار
۴۰- الما ینطی زبیله محد إيعبيله
۴۱- الخرمه أهلهه شايلين إهيه إتريد ريل (رجل)
۴۲- إركض ورا الیبچیک و لا ترکض ورا الیضحکک
۴۳- اليمل يعري من ذانه
۴۴- اليمل ما يعرف ربه الا وكت الزلگ
۴۵- البعيد عن العين بعيد عن الگلب
۴۶- المجالس مدارس
۴۷- الما يعلمه امه و أبوه يعلمه زمانه
۴۸- الياكل إبضرسه ينفع نفسه
۴۹- الماله أول ماله تالي
۵۰- الباجله ما بيهه دهن
۵۱- ام الكاتل نامت و ام المكتول ما نامت
۵۲- إلي إنتكل على يارته بات عزمه بالندم
۵۳- الله يعرف النمله ما إنطاها إجناحات
۵۴- الصباح رباح
۵۵- إيآمرون على الچلب یآمر على ذیله
۵۶- الچلب چلب و لو طوگوا ذهب
۵۷- الشبعان إيتريع على اليوعان
۵۸- الإيده بالماي مو مثل الإيده بالنار
۵۹- النار لو شبت تحرگ الخضر و اليابس
۶۰- العاف داره گل مگداره
۶۱- الحچه إبفگره ما نگص گدره
۶۲- إلي إيروح إبغير عزيمه یگعد من غیر إفراش
۶۳- التمنـّه ما تهنـّه
۶۴- أهلك أهلك لا تهلك
۶۵- إلما عنده مشير إيحط إعمامته او يستشير
۶۶- التهدّه ما عثر
۶۷- العجله من الشيطان
۶۸- ألو ماتت الأمهات دنـّو الخالات
۶۹- إبن المغنـّي إيغنـّي و إبن المصلـّي إيصلـّي
۷۰- إگعد عوي و إحچی عدل
۷۱- إيد إلما إتشابچهه بوسهه
۷۲- إلشوف شوف الگلب مو شوف العیون
۷۳- إلما إيريدك لا إتريده
۷۴- إغسل إيدك للعچس
۷۵- إيده ماهي إله
۷۶- إيده بارده
۷۷- القاضي راضي ، المفتي شلـّه غرض
۷۸- إذا الگمر صوبك إشعليك إمن النجوم
۷۹- أهل الدواب تطلب من أهل الهوش خثره
۸۰- إيكدّه الشحيح او ياكله المستريح
۸۱- إيكدّه الحصان او ياكله الحمار
۸۲- الكديش من رفسه و الكحيل من غمزه
۸۳- إلما إيسوگه مرضعه سوگ العصّه ما ينفعه
۸۴- الغرگان إیچلـّب إبسبّاحه
۸۵- إمگام الما إيشوّر محّد إيزوره
۸۶- الهوا مو تارس خشمه
۸۷- إحچایة التنگال
۸۸- العین ما تعله على الحايب
۸۹- إليدري يدري و إلما يدري إیگول گضبة عدس
۹۰- العايش بالدنيا سعيد
۹۱- إيدوّر على إبره إبجهدال تبن
۹۲- إسئل إمجرّب و لا تسئل حكيم
۹۳- الصبر مرّ
۹۴- اليمل هم چبیر
۹۵- الزلم صنادیگ إمگفـّله
۹۶- الزلمه بضراعه مو بلسانه
۹۷- إلـّي إيعيش بالحيله إيموت بالفگر
۹۸- إرليه إمسرسحه بالگبر
۹۹- الطايح رايح
۱۰۰- الدم ما إيضيع
۱۰۱- الحگوگ إتريد إحلوگ
۱۰۲- الچلب ما إينجّس البحر
۱۰۳- ألو إنطگ الخشم تهمل العين
۱۰۴- البطنه خاليه ما إيخاف
۱۰۵- إجه إيكحلهه عماهه
۱۰۶- الطوف إتطيح على أهلهه
۱۰۷- الباب إلـّي يجيك منـّه ريح سدّه و إستريح
۱۰۸- إتعب إجدامك و لا تتعب إلسانك
۱۰۹- الحگران إیگطـّع المصران
۱۱۰- الشاذي إبعين أمّه غزال
۱۱۱- الگنفذ إيبوس إوليده وإیگول إشمنعم إخديده
۱۱۲- ألو كلمن يا او نجر ماضل بلوادي شجر
۱۱۴- التجاره شطاره
۱۱۵- الكثره تاخذ الشجعان
۱۱۶- أثقل من اليیثـوم
۱۱۷- إليّ يدگ الباب يسمع الجواب
۱۱۸- إلـّي لگه أحبابه نسه أصحابه
۱۱۹- إلـّي إيربـّي فرخ غيره مثل إليبني إبگاع غیره
۱۲۰- الضرس الیتگلگل ینشلع
۱۲۱- إيده ما توصل حلگه
۱۲۲- الگمر بید و النجوم بید
۱۲۳- إكره او گول و حب او گول
۱۲۴- الیهدی بگه إيريد يمل
۱۲۵- الله ما ينسه عبده
۱۲۶- إلسانه أنعم من الحيـّه
۱۲۷- الفگر فوگ الیمل و الچلب عضـّه
۱۲۸- المهره من خیـّالهه و المره من ريـّالهه
۱۲۹- أحرّ إمن الجمر
۱۳۰- أمرّ إمن الصبر
۱۳۱- إصبر و الصبر مبروك تاليّه
۱۳۲- إسعى يا عبدي او آنه أعينك
۱۳۳- إلـّي إيريد شي إيعوف شي
۱۳۴- الخوّه مو بالگوّه
۱۳۵- إبياري ولا إبداري
۱۳۶- إبخيرهم ما خيّروني ، إبشرهم عمّوا عليّه
۱۳۷- إبرخص المای
۱۳۸- إبرخص التراب
۱۳۹- إتگولنـّه باروت
۱۴۰- إتگولنـّه طير ذهب
۱۴۱- إتگولنـّه طير الصگر
۱۴۲- إتبربش او لا العمه
۱۴۳- إتذب الملح ما يطيح بالگاع
۱۴۴- إحساب ياكل بين عميان
۱۴۵- إحچایة عاجل من راس مجنون
۱۴۶- إحديده عن الطنطل
//////////////////////////
////// طريفة ////////
فاشتكى لصاحب البيت، و لكن صاحب البيت طمأنه و قال له: إن السقف يسبّح!
و أنه ما من شيء إلا يُسبح بحمد ربه!
فقال البهلول :
لا أخاف من تسبیحه، بل أخشی أن يدركه الخشوع فيسجد
حين أشار المعلم إليها بسوطه و قال : آب
النقطة الوحيدة في الكلمة بدت و كأنّها قطرة بيضاء تتدلى تحت الكلمة الغريبة عن شفتيّ في خلفيّتها السوداء. حينها جفّ صوت النهر في حنجرة كل واحد منا و بصقنا السراب من أفواهنا صارخين : آآآب ...
و هكذا...
أصبنا جميعا بالإنفصام المائي في كل نوبة عطش بعد تلك اللحظة و بدأت صورة الماء المشوهة تتسع و تتسع في عتمة رأسي الخزفي حتى حلمت ذات ليلة بأنني أقف وسط النهر المنشق إلى نصفين و كذلك أنا و صوتي المنشق إلى صوتين ،كنت ألتفت إلى الخلف و أصرخ (آب) و من ثم أنظر إلى أمامي و أهمس بصوت خافت (ماء) ... و هكذا...
وقفت منفصما وسط الإنفصام و صرخت حتى قفزت من فمي كلمة زرقاء أغرقتني و أغرقت الضفتين و كذلك موسى و عصاه ...
آب : كلمة فارسية تعنى الماء أول كلمة يتعلمها الأطفال في الصف الاول الإبتدائي في ايران و كذلك نحن...
يوسف السرخي
" الدوا ! "
( لسان حال إحدى حبيبات عهد " النعي"! )
يشبگنِيِ ،بشبگة هوى !
و ينشگنِيِ ، بدال الهوا !
غير الهوى ، ما من دوا !
( عادل السكراني )
/////////////
« من أنا »
لِسانِي بِكَفِّي..
وصَوتي بِثَغْرِ الرَّبَابة
خَيالي سَماءٌ
وفِكرِي تُرابٌ
وشِعري سَحَابة
كأنِّي وُلِدتُ علی الأرضِ حِبْراً
قَليلُ الكلامِ كثيرُ الكِتابة
گلت له ال ، مثل شكل الجير ، گلبه
:"شکل گلبک،بعکس الشکل،گلبه!"!
وعد گومي، اختلف،و السلف،گل،به
ال صفا، گلبه، و حلب صافي،لخويه!
( الملا فاضل السكراني )
بُگیٰ ، مْن العُمُر ، مَنطَر صُبُح ، يا ليل*
أسَف*، و خْلَصِت ، بِالتّهلات ، يا ليل !
( إ )جَا يركض، بياض الشّيب، جا ، ليل*
شباب* ال عاش كل عُمْره ، بْأذيّه !
* يا لَلأسف . لِلشّباب .
( المُلّا فاضل السّكرانيّ )
ارتفَع ، باشَگ شبابي ، وْ وگَع ، مِن طار
بْتعذيب المشِيب ، الگلب ، منطار !
بگیٰ ، مْن العُمُر ، يا خِلّان ، منطار
صُبُح ، و اتنَطَّر طْروش المنيّه !
( المُلّا فاضل السّكرانيّ )
//////////////////////////////////////
(الملّا مهدي العاشوري)
أريد أكتب قصيـده إلكـم تراثيّه
عـن عيشـة أهلنا وتظل محچيّه
عـن آلاتـهُـم عـن الفِـرِش و الـزّاد
عـن الأمكِنه التگصـد لهـا الـوفّـاد
أشرحهـا بمعاني إلكُم يَهـل أحفاد
حتّى تظل حضاره ودوم مسميّه
تَنگیلَه و يَدهْن الحُـر أكلْهُم چـان
مَصموطاوعصِيده الترفع الأحزان
شِلّه و شِلّكِين أكْلَة هلي الشجعان
يا مَحـروگ صِبعـه إلْ ألَـذ تغذيّـه
يا مَحله اليِريشِه إشنين و الرَيّان
و الهِيس ومِريس وطابگ الخلّان
يا ماي الهُوه ولَذْت الإگِط يَخوان
وَي عيش المْحلّىٰ الصبح عيديّه
مَنكوتِه او يمَعلوگا إبتمـر يَرجـال
سِيّـاح و يلمـحـَمّـر يـقـوّي الحـال
طيبه أكلاتهُم تبگه وتظل عـالبال
لذْت الگرُص دوم التظل مَـطـريّه
عيش أصفرالچان بكل سلف موجود
و الفِـل بالمضايف مـا يـريـد شـهـود
چان إسماط اهلنا بكل وكت ممدود
مـاغـوطَـه و بَـحَـت محلـه المحَلبيّه
بـعـد آلات عـدهـم صيد مـعـروفـا
مُكـرَف، دَسِت،فاله و عزم طاروفا
و الـرادود بـالـمـيـلان كـالـطـوفـا
و لـوْهَـار إشـحلاتـه بصيـد بـنّـيّـه
ولـوهـار إشحلاتـه يترس الخصّاف
بـنّـي و بـرزم و بلـعـوط و الخشّاف
يامحله السمچ يم الشريجه الشاف
من يـردم و يـطـفـر يرجـع الـمُـيّـه
و الفلّاح بالعَكـفَـه إعتـقـد مرتـاح
و البَنّه إعلىٰ ظـهـر إزمـالها اللوّاح
بالمنجـل مـع الگوسـان و المرواح
بالمـغـزل و صـوفـه السـهـر ليليّـه
بالمَـلّـه الدغل ينسحگ حدرالطين
بـالـدَكرَه يقسـمـون الطـعـام أثنين
جانب بوهْ وإطعام اليشـع صوبين
حنطه وشلب ويّه إشعيـر جمعيّه
بـيـدر للشلـب و الـنّـوب بـاكـوره
مِـنـزَح مـاي يسـگي للـزرع دوره
والهِيچَل إمعلّگ و أهلي مسروره
و خنّارَت الموگد تـظـل تـدفـيّـه
بالهَلْثَه الشلـب، بالآوَه و المَنگـور
والمِينه إعلىٰ يٰاوَن بالحنان تدور
هـاونـهـم نهـار و ليل تـم نـاطـور
يسگي ضيوف أهلنا بگهوا عربيّه
يسگي ضيوف أهلنا برنَّة الفنجان
بالدلّه التفوح و تـزهـي بالـديـوان
بالگمگم مـع المِحـمَـاس يـا شبّـان
گعدتهم تـشـع بـأفـراح ضـحـويـّه
و الدَچّه مُريحه إبفَي تَـرا الليوان
و الگـعـده زهـيّـه ابـلـمّـة الخـوّان
يامحله المِدِبسَه إمجابله اليوخان
و الخصفه إبصلابـة تـمـر ممـليّـه
صُـوباط و بـواري و بعد عِـرزاله
و الكَـلّـه عـليـهـا إتـنـور تـتـلالـه
و الگضّه الشِته إبيـايـيـم هنياله
نِمْدَه ،الحَاف حـدره تصير بانيّه
مُرفعهم يحيي الضيف والكشكول
و إمْدانَه و يَشربَه المايهن معسول
و الـيَـدّال يـروي الشـفّـة الـمـدول
و الشط إيتباهـا بـكـل سـواجـيّـه
و الشط إيتفايض بالمصِخْنه اينور
بالحِـب إيـتـلاله و يـُورِد العصـفـور
بيت الطيـن ضـاوي ، يشبـه البنّـور
إذا مطرت الدنيا وضحكَت اشـويّه
بالـمـخـراز و المـخـيَـط و المْـسـلّـه
چمبيلـه و طبگ و إزبـيـل و الـبَـلّـه
رايـوحـه و سِگه و هِـنـدال و اليِلّـه
بـيـهـن لـلـسـمــع مـوّال و أغـنـيّـه
بيـهـن للسـمـع أمـثـال مـگـيـولـه
بالرحّىٰ ومِيرشَه إطحينك إتنوله
بالـيَـفـنـَه الـخـبـز للـراد مـٰاكـولـه
بالـدوّه اليمـر يلهـب، لظىٰ ضـيّـه
چان الباب گفله كل وكت مِردَم
و إذا فطمَو عِيِل حطّو اِله دَلهَـم
والمغزل الغزل الصوف والمُبـرَم
مُـبـرَد و الـمَـحّـد آلات فـنـيّـه
والگفّه رطب و إطحين متروسه
و التَنبل إبصوتـه إيحلّي الهوسه
و المـنـسَـف يـرن إبفـرح ناقوسه
و إبدِهن المـذَوّب شَعـثَـه مجليّه
بعد عدهـم حِيِل والنوب خزّامه
وبالشيله إشحلات الكِترعالهامه
عصّابه إعلىٰ ثـوب الگلب آلامـه
تزول و تنجلي ابلبسَة المَـزويّه
وَاوِي چان عـدهم للملح موجـود
گرگيعان رسمه بكل سلف مشهود
عيدوها القيَم، بيهن مجدنا إيعود
نشمي، الـعـاد عـاداتـه الـتـراثـيّـه
هـٰذا الّي سـمـعـتـه ودّريـتـه
و دريت الما دريته ودّريـتـه
كلام البالـقـصـيـده ودّريـتـه
يرِد و يعود لـربوع الثـنـيّـه
للشاعر:( الملّا مـهـدي العاشوري )
//////////////////////////////////
. . . « فَتْكُ الفَقْرِ ! » . . .
( في « محمّد الدّورقيّ » )
يا رَبَّ فقْرِ النّاسِ
يا رَبَّ العبادْ
: الفقرُ ، يَفْتِكُ ، بِالأناسِ
و يَفْتِكُ ، بِالبلادْ !
لو كانَ ، في أرْضي
، مَعادِنْ
ما كابَدَ الفقرَ
، المواطنْ !
لٰكنّها ، الأرضُ اللّعينة !
أرضُ البَوارِ ، المُستكينة !
أبلِغْ « محمّداً » ، السّلامْ
عنّي ، و عن فقْرِ الكلامْ !
( عادل السّكرانيّ )
///////////////////////
قصيدة « النداء »
لجمال الدين بن فاضل المحسني
أنِرْ يا ربِّ عقلي كيْ أُنادي
بصوتٍ جَهــــوَرِيٍّ للرّشادِ
فســادٌ عَمَّ و انتشرت بلايا
و سادَ الجهلُ في حيٍّ و نادِ
يَعِزُّ على فؤادي أَنْ يراهــا
مُلفَّعةً بِأَطـــمارِ الحِــــدادِ
تَئِنُّ مِن الوَثـــاقِ أنينَ ثَكلى
تَهيمُ شريــــدةً في كلّ وادِ
بـــــلادي ما أُحَيْلاها إذا ما
تجلّتْ شمسُها لِعَمى السوادِ
أُنادي ما حَييـــتُ لِأنَّ غُــولاً
يُكبِّلني و يَسلِبُني فــــؤادي
يُخَنِّقُني و إنَّ الصّحبَ حَوْلـي
فما مِن سامعٍ ، كلٌّ مُعــــادِ
و يسألُني رفاقي:منَ تُنادي؟
فقلتُ: العقلَ يا صحبي أُنادي
لعلّ العقلَ يـــوري منه زَنداً
فتُورى جَذوةٌ تحتَ الرّمــــادِ
تَحجّرتِ الجمـــاجمُ و اكفهرَّت
فأسْلَمـتِ القِيــادَ إلى الرُّقـادِ
لقد رَكدت و غطَّتْ في سُبـاتٍ
متى تصحـو؟ أَفي يومِ التَّنادِ؟
فهل يُجدي النِّداءُ و من تُنادي
مَواتٌ؟ لا حياةَ مِن الجَمــــادِ
لقد صَدَقتْ مَقـــولةُ نجلِ بُردٍ
سقاه اللهُ مِن غَيــثِ الغَوادي
« لقد أسمَعْتَ لو نــاديْتَ حيّاً
و لكنْ لا حيـــاةَ لِمَن تُنادي »
//////////////
لم يعد الليلُ بحرٌ من صمتٍ
والكلماتُ لم تعد تختبئ خلف جدران التأمل والانتظار
فقد استطاع الريفي أن يحطّم كلّ اسوار المدن الارستقراطية
حين قالت له: أحبك .
/////////////////
ﻣﻦ اﺗﻀﻴﺞ ﭼﻨﺖ اﻟﺒﺲ ﺧﻠﮓ ﻓﻼﺡ
ﻭاﺷﺘﻠﻚ ﻋﻤﺮ ﻭاﺗﺮﺱ ﻋﻂﺮ ﺳﻠﺘﻪ
(رمضان العگيلي)
/////////////
عايشين
بين بسمة و بين دمعة
الثواني تاكل اببيدر أمانينا عمر
والاحلام اتفزز الدنيا و تغفينا العصر
عايشين
و الله يدري
الشوگ يحرگ
الغبشه شهگه
دنية الوادم رغيف
والف تنور الحطبنا فاك حلگه
عايشين
تعطش النظرة الغميجة
وارد اشوفك
يانهر تجري اعلى كيفك
ماكو سدة
تكتل الروي اعلى طولك
وتنذبح عل چفه ورده
عايشين
المشكلة اليمار من ينباع باچر
ماتزور اطفالنا ابحلامهم سلة رطب
المشكلة حتى الزرازير
العثگ يابس تلولي
يمه چان اهنا رطب
يمه ميفيد العتب
يمه وين النخل وينه
يمه شيبنه و نسينه
وعايشين
الدنيه تمشي
الدنيه تفتر
وحنه دفتر
ينكتب موال بينه
ويختنگ تالي حچينه
ينتشل اول شتانه
وگيضنا من هناك غبّر
هادي السالمي /
///////////////////////
( أبيات نعي )
یا دار أنِشدچ وین أهلنا
أنشدچ علىٰ ال بيهم محنّه
یرجعون لو نگطع الظنّه
**
حفار حط الباب شرجي
عدنا رسم باللیل نبدي
بدوة احباب وخاف نبطي
**
سچاب دمع العین سچاب
علىٰ ال نایمین ببطن سرداب
ضاگ الخلگ فکّوا لنا الباب
**
شفت العدو بدیار أهلنا
عدَّل مواصیله وغنّا
فرحان ريته لا تهنّا
**
ضاگ الخلگ و إطلَعِت بَرّا
احتاريت جدمي ون أیرّه
ردّيت گلت الخلف باللّٰه
**
روحي مثل حبة شلب
متسلسه و مابيها لب
ياخوة الوادم چذب
***
لا تظن چي سکتیت عودك نسیتك
کل لحظه روحي ابشوگ تتعنه بیتك
//////////////
أبوذيات الملا فاضل السكراني
خطر* ، فعل الجهاله ، و خطر* ، لل صار
عليه ، و لومنا المستمر ، لل صار !
بسلفنا ، الحارس ، الناطور ، لص صار
سرگ عز بیت ابن عمه و خویه !
* بکسر الطاء . بفتح الطاء .
اصداف المعرفه ، بخلت ، بدرها
و محالب خيرنا ، شحت ، بدرها !
الليالي ال سودت آمالي ، بدرها
الظلم ، ظلم* گمرته و خسف ضیه !
* بتشدید اللام .
الدهر ، خوه العظم ، مني ، وهني*
بصعب حل عقد مشكلتي ، وهني* !
أبارچ ، لل جرح مجدي ، و اهني*
صرت، و صبرت* ، من غصبا" ، علي(ه) !
النون في الجناس مشددة . بسكون الصاد و فتح الباء .
الجهل ، ما رحل ، من حينا ، و لا فات
و مرد چبد العگل ، فعله ، و اله فات !
التوی(ا) ، من امراض فتنتنا ، و الآفات
زرع عز العشيره ، و يبس ميه !
بأذى(ا) ، و هميت افر لل(صين) ، لو لي
جنح ، و من اون ، ما أنلام ، لو الج !
على(ا) ابنچ ، یا ام یتیم المجد ، لولي
و د* گولي :" به(ا)ذ نترجى(ا) الحميه !"!
* بكسر الدال .
( الملا فاضل السكراني )
///////////
اهلا و مرحبا بکم